آیریلیق - فرهاد

VikiMənbə saytından
Keçid et: naviqasiya, axtar

بو یازی‌نین آزربایجان تورکجه‌سینده اولان لاتین الیفباایله قارشیلیغی واردیر. باخ: Ayrılıq (Fərhad)


Fərhad ibrahimi.JPG

فیکرین‌دن گئجه‌لر یاتا بیلمیرم
بو فیکری باشیم‌دان آتا بیلمیرم
نئیله‌ییم کی، سنه چاتا بیلمیرم
آیریلیق، آیریلیق، آمان آیریلیق
هر بیر درددن اولار یامان آیریلیق.

اوزون‌دور هیجرین‌دن، قارا گئجه‌لر
بیلمیرم، من گئدیم، هارا گئجه‌لر
ووروب‌دور قلبیمه یارا گئجه‌لر
آیریلیق، آیریلیق، آمان آیریلیق
هر بیر درددن اولار یامان آیریلیق.

یادیما دوشنده آلا گؤزلرین
گؤیده اولدوزلاردان، آللام خبرین
نئیله‌ییم کسیب‌دیر من‌دن نظرین
آیریلیق، آیریلیق، آمان آیریلیق
هر بیر درددن اولار یامان آیریلیق.

آیریلیق دردینی چکمه‌یه‌ن بیلمز
یاردان آیری دوشن گؤز یاشین سیلمز
دئیرلر: اینتیظار خسته‌سی اؤلمز
آیریلیق، آیریلیق، آمان آیریلیق
هر بیر درددن اولار یامان آیریلیق.

نئجه کی، الیم‌دن، آیری دوشن‌دن
سورار بیر-بیرینی، گؤروب بیلن‌دن
حسرت‌له سیزلایار دایم بو قم‌دن
آیریلیق، آیریلیق، آمان آیریلیق
هر بیر درددن اولار یامان آیریلیق.

ایل‌لردیر اوزاغام، آرخام ائلیم‌دن
بولبولم، دوشموشم، آیری گولوم‌دن
زور ایله آییریب شیرین دیلیم‌دن
آیریلیق، آیریلیق، آمان آیریلیق
هر بیر درددن اولار یامان آیریلیق.

اولوب‌دور بیگانه، یاریم-یولداشیم
قریبه ساییلیر سئوگیم، سیرداشیم
بو جاوان چاغیمدا آغاردیب باشیم
آیریلیق، آیریلیق، آمان آیریلیق
هر بیر درددن اولار یامان آیریلیق.

منی آغلا‌دان‌دان گولوش ایسته‌رم
اوزاق دوشنیم‌له گؤروش ایسته‌رم
حاصاری ییخماغا یوروش ایسته‌رم
آیریلیق، آیریلیق، آمان آیریلیق
هر بیر درددن اولار یامان آیریلیق.

سئوگی‌لیک اولوب‌دور شنی فرهادین
سئوگی‌سی هاردا‌دیر، هانی فرهادین
دئیه‌رک، چیخا‌جاق جانی فرهادین
آیریلیق، آیریلیق، آمان آیریلیق
هر بیر درددن اولار یامان آیریلیق.

خاریجی كئچیدلر[redaktə]