سئوگیلیم،عشق اولماسا وارلیق بوتون افسانه‌دیر

VikiMənbə saytından
Keçid et: naviqasiya, axtar

بو یازی‌نین آزربایجان تورکجه‌سینده اولان لاتین الیفباایله قارشیلیغی واردیر. باخ: Sevgilim eşq olmasa varlıq bütün əfsanədir



سئوگیلیم،عشق اولماسا وارلیق بوتون افسانه‌دیر - علی آقا واحید

سئوگیلیم،عشق اولماسا،وارلیق بوتون افسانه‌دیر

عشقیــده ن محــروم اولان،انسـانلیغــا بیگــانه‌دیر

سئـوگی دیـر،یالنیــز محببت‌دیر حیــاتین جـوهــری

بیر کونـول کی عشق ذوقین دویماسا،غمخــانه‌دیر

من اسیــر عشقییــم،اوز خـالقیمین،اوز یـوردومــــون

سئــومــه یـن اوز خالقی‌نی،اوز یـوردونــو دیوانـه دیــر

قوی وطن داییم ایشیقلانسین،گوزل بیر شمع تک

کونلوم!اول شمعین ضییاسین سیر ائدن پروانه‌دیر

نـازنیــن!رعنـــــا گـوزل‌لــردیــر،بـاخیـرسـان هـر یـانــا

بس بو تورپــاق اینــدی بیر جننت دگیــل،آیـا نـه‌دیـر؟!

اولکـه میـزده گور نلــر وار،باشقــا بیر عالـم ده‌ییک

هـر چیچک بیـر نـازنیــن!هر غنچـه بیــر جـانـانـه‌دیــر

"واحید" - م من،سئوگیلیم،من‌دن خیانت گورمه‌سن

شاعیــرم،عشقیم ده اوز قلبیـم کیمی مـردانــه‌دیــر