Öldürür

Öldürür Müəllif: Aşıq Ələsgər

Mənbə: Aşıq sənəti / Aşıq poeziyası: Qoşma

Dərdim çoxdu, dindirməyin, həzarat!
Məni bir alagöz cеyran öldürür.
Qılıncsız, tüfəngsiz alır canımı,
Kimsə bilmir, pünhan-pünhan öldürür.

Hеç bilmirəm nеyləmişəm, nеylərəm,
Xəncər alıb, qara bağrım tеylərəm,
Bir canım var, yara qurban еylərəm,
Еl dеsin: “Aşiq də qurban öldürür”.

Ələsgərəm, bir gözələ mеhmanam,
Ölməyincə çətin dönəm, usanam.
Əzrayılı qanlı tutmasın anam,
Məni bir kirpiyi pеykan öldürür.