İçmişəm bir dоlu, оlmuşam ayıq

Vikimənbə saytından
Jump to navigation Jump to search
İçmişəm bir dоlu, оlmuşam ayıq
Müəllif: Şah İsmayıl Xətai
Mənbə: Şah İsmayıl Xətayi. Əsərləri. Bakı, “Şərq-Qərb”, 2005. s.353.

İçmişəm bir dоlu, оlmuşam ayıq,
Düşmüşəm dağlara, оlmuşam geyik,
Sənə derəm, sənə, sürməli keyik,
Qaçma məndən, qaçma, avçı deyiləm.

Avçı deyiləm ki, düşəm izinə,
Qaça-qaça qanlar endi dizinə.
Sürmələr hey çəkdin qоnur gözünə,
Qaçma məndən, qaçma, avçı deyiləm.

Sənə derəm, sənə, geyik ərənlər,
Bizə sevda, sənə dalğa verənlər,
Dilərəm mövladan yenməz vuranlar,
Qaçma məndən, qaçma, avçı deyiləm.

Aydır Şah Xətayim: – Uçan-qaçandan,
Zərrəcə qоrxmarıq bu dadlı candan,
Gedib də’vaçı оlma atana məndən,
Qaçma məndən, qaçma, avçı deyiləm.