Ağzını qönçeyi-xəndan dedilər, gerçəkmiş

Vikimənbə saytından
(Ağzım qönçeyi-xendan dedilər, gerçəkmiş səhifəsindən istiqamətləndirilmişdir)
Ağzını qönçeyi-xəndan dedilər, gerçəkmiş
Müəllif: Cahanşah Həqiqi
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Ağzını qönçeyi-xəndan dedilər, gerçəkmiş,
Xəti-ruxsarını reyhan dedilər, gerçəkmiş.

Lövhi-məhfuzini ta gördü kəlam ehli sənin,
Ayəti-vəchini Quran dediler, gerçəkmiş.

Zövqi-eşqin ki, qəmi dünyavü üqbayə deyər,
Bu könül təxtinə sultan dediler, gerçəkmiş.
 
Ənbərəfşan saçını küfrə münasib qılıban,
Dürci-yaqutuna mərcan dedilər, gerçəkmiş.
 
Əhli-təqva ki, sücud eylədi vəchində sənin,
Sacidi-surəti-rəhman dedilər, gerçəkmiş.

Ey Həqiqi, çu sənə nəqli-kəlam oldu müin,
Nəfsinin şərhini bürhan dedilər, gerçəkmiş.