Bayatılar (Məhəmməd Əmani)

Eyni adda digər əsərlər üçün dəqiqləşdirmə səhifəsinə baxın.

Bayatılar (Məhəmməd Əmani) Müəllif: Məhəmməd Əmani

Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Bağça barın arzular,
Aşiq yarın arzular,
Hər nə kim dünyada var
Öz miqdarın arzular.
Məhəbbət meydanidə
Mənsur darın arzular.

Cananım tək can az var,
Aramızda min raz var,
Onda ərkü-naz varsa,
Məndə əczü niyaz var.
Həzrət et, könül quşu,
Kəmində şahbaz var.

Yüzün göz rövşənidir,
Zülfün can cövşənidir.
Xəyalın ilən könlüm
Məhəbbət kövşənidir.