Bilməz (Şair Məmmədhüseyn)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Bilməz (Şair Məmmədhüseyn)
Müəllif: Şair Məmmədhüseyn
Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

İrəvan səfada nə qədər xoşsa,
Bizim yaylaqlara tay ola bilməz.
O buzlu bulaqsız, yaşıl çəmənsiz,
Ömrə yarar nə il, ay ola bilməz.

Hələ şehli-şehli tər bənövşədən,
Dəstə-dəstə topla, dər bənövşədən.
Öpüb dilbərini tax döşü üstdən,
Yara bundan gözəl pay ola bilməz.

Əlvan çəmən, bir istəkli, bir də sən,
Hər yan lalə, nərgiz, hər tərəf gülşən.
Məmmədhüseyn, zövq al yar gülüşündən,
Öpüşə görüşdə say ola bilməz.