Dağılsın

Qəzəl 16 Müəllif: Mir Möhsün Nəvvab Tərcüməçilər: Əkrəm Bağırov, Nizami Məhərrəmov, Kamil Allahyarov, Fərrux Fərmanov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Ur şanəni ol zülfı-pərişanə, dağılsın,

Tellər tökülüb, ətri biyabana dağılsın.

Çak eyləmə qətlimdə giribanü üzarın,

Qorxum budu kim, xəlqə bu əfsanə dağılsın.

Cəm eyləmə zülfi üzünə, eylə pərişan,

Qoy əbr kimi mehri-dirəxşanə dağılsın.

Beytül-həzəni-hicrdə yandı dili-zarım,

Ey vəsl, mədəd qıl ki, bu kaşanə dağılsın.

Min dil yığılıb zülfi-pərişanına mənsiz,

Qoy ah çəkim, hər biri bir yanə dağılsın.

Hicran ələmi qıldı fəramuş vüsalı,

Ey Sağəri, ah eylə, bu viranə dağılsın.