Gül açdı

Gül açdı Müəllif: Şifahi xalq ədəbiyyatı

Gül açdı bahar oldu,
Yar məndən kənar oldu.
Yar məndən ayrılalı,
Ürəyim qübar oldu.

Belə naz ilə, naz ilə baxma,
Məni yandırıb, yaxma.

Gül açdı xəndan oldu,
Dərmədim dən-dən oldu.

Mən səndən ayrılmazdım,
Ayrılıq səndən oldu.

Bu dağda maral gəzər,
Tellərin darar gəzər.
Mən yara neyləmişəm,
Yar məndən kənar gəzər.

Mənbə

• El çələngi. Bakı,2004, səh.106.