Gəlmədi bilməm neçün ol sərvi-xoşrəftarımız

Qəzəl 1 Müəllif: Mir Möhsün Nəvvab Tərcüməçilər: Əkrəm Bağırov, Nizami Məhərrəmov, Kamil Allahyarov, Fərrux Fərmanov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Gəlmədi bilməm neçün ol sərvi-xoşrəftarımız,

Ərşə çıxdı fırqətində ahi-atəşbarımız.

İntizarım aşdı həddən, təndə taqət qalmadı,

Harda qaldı, gəlmədi məhbubi-məhruxsarımız?

Vədə vermişdi ki, gəlləm bir gecə mehman sənə,

Ömrümüz başa yetişdi, gəlmədi dildarımız.

Gör xəzani-bimürüwət vermədi hərgiz aman,

Gülsitan oldu xəzan, pamal olub gülzarımız.

Qüdrətim yox, gülsitan seyrinə uçmaq istərəm,

Quş kimi məhbus edib, künci-qəfəsdə yarımız.

Sağəri, az qıl şikayət dilbəri-birəhmdən,

Cövrü xoşdur rəhmdən, gər qılsa xoş güftarımız.