Kəklik (Aşıq Bəsti)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Kəklik (Aşıq Bəsti)
Müəllif: Aşıq Bəsti
Mənbə: Aşıq Bəsti (2013). Bənövşələr (az). Gəncə. Orijinal mənbədən 2018-09-14 tarixində arxivləşdirilib. Yoxlanılıb 2018-09-14.

Qah-qahın alır canımı,
Canım oda yaxan kəklik.
Sən ki, belə sitəmkarsan,
Ya soltansan, ya xan, kəklik.

Qayada-daşda gəzərsən,
Çəməndə gülə bənzərsən.
Gəlin kimi bəzənərsən,
Açılıbdı yaxan, kəklik.

Bəsti deyər: pis günümdə,
Gəl oxuma, nəs günümdə.
Ağçınqılda, yas günümdə,
Ələ xına yaxan kəklik.