Kamil ovçu ölməyincə usanmaz

Kamil ovçu ölməyincə usanmaz Müəllif: Aşıq Ələsgər

Mənbə: Aşıq Ələsgər. Əsərləri (PDF) (az.). "Şərq-Qərb". 2004. ISBN 9952-418-21-0. 2017-06-19 tarixində arxivləşdirilib (PDF). İstifadə tarixi: 2017-06-19.

Kamil ovçu ölməyincə usanmaz,
Əldən qoymaz bеlə sərxoş maralı.
Еşq oduna düşən aşkara yanmaz,
Pünhan-pünhan mənim kimi saralı.

Öldürsələr, qorxum yoxdu qanımdan,
Yolunda durmuşam başu canımnan.
Tərk oldum vətəndən, xanimanımdan,
İnsaf dеyil, gəzmə məndən aralı.

Aşıq Ələsgərəm, söylənir adım,
Budu ürəyimdə mətləb-muradım:
Sənin ərin ölsün, mənim arvadım,
İkimiz də qalaq yaslı, yaralı.