Bu səhifə korrektə edilib
MƏNİ
Ay gözəllər gözəli,
Əbəs qınadın məni.
Ay dünya bəxtəvəri,
Yaman yanadın məni.
Dözəmmədin bir səhvə,
Qoydun məni hədəfə,
Sınamışdın yüz dəfə,
Bir də sınadın məni.
Sınıq kölnüm yapmadın,
Varlığıma hopmadın,
Haqqı gəzib tapmadın,
Haqsız sanadın məni.
GÖZLƏRİ
Almazdan kəsərlidir,
Bədnəzərin gözləri.
Zəhərdən zəhərlidir,
Qanmazların sözləri.
Nəsihət de, nə qanar,
Nə alışar, nə yanar.
Nə pörtər, nə utanar,
İsmətsizin üzləri.
Örpəyi başa tutun,
Acgözü aşa tutun,
Arazam, daşa tutun,
Elə gərəksizləri.
360
