Qalmışam (Xəyyat Mirzə)

Vikimənbə saytından
Eyni adda digər əsərlər üçün dəqiqləşdirmə səhifəsinə baxın.
Qalmışam
Müəllif: Xəyyat Mirzə
Mənbə: Seçmə aşıq şeirləri. 3 cilddə. I cild (az). DGTYB (2011). Orijinal mənbədən 2016-04-01 tarixində arxivləşdirilib. Yoxlanılıb 2016-08-11.

Ay ariflər, nə bəlalı qul oldum,
Gecə-gündüz ahu-zara qalmışam.
Sahibsiz otaqda qəribə mehman,
Meyvəsiz bağçaya, bara qalmışam.

Yalan olmaz şairlərin dilində,
Şivəsində, əməlində, felində.
Leyli yarım qalıb Yəmən elində,
Məcnun təki mən avara qalmışam.

Qürbət eldə bağrı qan olan Mirzə,
Əğyarnan cananı can olan Mirzə,
Arif məclisində xan olan Mirzə –
Nə olub, keçələ, kora qalmısan?!