Qalsın könül, yоl qalmasın

Vikimənbə saytından
Jump to navigation Jump to search
Qalsın könül, yоl qalmasın.
Müəllif: Şah İsmayıl Xətai
Mənbə: Şah İsmayıl Xətayi. Əsərləri. Bakı, “Şərq-Qərb”, 2005. s.355.

Gəl, könül, incimə bizdən,
Qalsın könül, yоl qalmasın.
Əvvəl-axır yоl qədimdir,
Qalsın könül, yоl qalmasın.

Ərənlər bizə busudur,
Yalan söyləyən asıdır,
Bu, gerçəklər nəfəsidir,
Qalsın könül, yоl qalmasın.

Baxçada açılan güldür,
Mə’nayi söyləyən dildir,
Pəs əzəldən qədim yоldur,
Qalsın könül, yоl qalmasın.

Başındadır altun tacı,
Budur ərənlər me’racı,
Kəskindir yоlun qılıcı,
Qalsın könül, yоl qalmasın.

Ey divanə, ey divanə,
Aşiq оlan qıyar canə,
Xətayi der Taclı xanə:
– Qalsın könül, yоl qalmasın.