Qayıtdı (Şair Məmmədhüseyn)

Eyni adda digər əsərlər üçün dəqiqləşdirmə səhifəsinə baxın.

Qayıtdı (Şair Məmmədhüseyn) Müəllif: Şair Məmmədhüseyn

Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Bir maral balası, tərlan cilvəli,
Gəldi, məni gördü, baxdı, qayıtdı.
Pünhanı göstərdi gül camalını,
Tər üzünə şəbnəm axdı, qayıtdı.

Mən görmüşəm gözəllərin çoxunu,
Belə olmaz amma boyu-buxunu.
Müjganından çəkdi xatəm oxunu,
Yaralı sinəmə çaxdı, qayıtdı.

Gözləyərkən gözlərimə sataşdı,
Müjgan könlüm eşq oduna alışdı.
Şəhrahidan qıyqac baxıb ötüşdü,
Məmmədhüseyni oda yaxdı, qayıtdı.