Qitə 40 - Doğruluq ilə istə ülüvvi-məqam kim

Doğruluq ilə istə ülüvvi-məqam kim Qitələr (Füzulinin Azərbaycanca Divanı) (2024) Müəllif: Məhəmməd Füzuli Tərcüməçilər: Həmid Araslı

Doğruluq ilə istə ülüvvi-məqam kim,

Gəldikcə halinə verə dövri-fələk rəvac.

Doğruluq ilə hərflərə sədrdir “əlif”,

“Ya” hərfini ayağə buraxmışdır e’vicac.

Doğrular ilə gəz ki, səni sərbülənd edə,

Əgrilər ilə eyləmə, əlbəttə, imtizac.

“Ya” ixtilatı ilə sərir oldu payimal,

Başda məqam tutdu “əlif” nüsrətilə tac.