Urma ol həlqeyi-geysuyə, pəri, şanə bu gün

Urma ol həlqeyi-geysuyə, pəri, şanə bu gün Müəllif: Mir Möhsün Nəvvab Tərcüməçilər: Əkrəm Bağırov, Nizami Məhərrəmov, Kamil Allahyarov, Fərrux Fərmanov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Urma ol həlqeyi-geysuyə, pəri, şanə bu gün,

Ki, salır könlümü ol şanə pərişana bu gün.

Bağladım könlümü ol zülfı-pərişanə bu gün,

Düşdü zəncirə əcəb yerdə bu divanə bu gün.

Qorxuram, dəstinə almış o pəri şanə bu gün,

Salacaqdır dili-biçarəni bir qanə bu gün.

Arizindən götür ol zülfüni bir yanə bu gün,

Görə ta zahidi-kafər, gələ imanə bu gün.

Müjəvü qəmzəvü göz qəsd eləyib canə bu gün,

Cana minnətdir əgər oxlana mərdanə bu gün.

Eylədi ləşkəri-qəm könlümü viranə bu gün.

Deyin imdad eləsin ol şəhi-xubanə bu gün.

Mən kimi cür’əti varmı yana pərvanə bu gün,

Yanıram atəşi-hicranına, Pərvanə, bu gün.

Tökmə rüxsarına zülfü, çək onu yanə bu gün,

Qorxuram ki, olar odlarə düşə, yanə bu gün.

Sölədi, Məxfi, mənə mürşidi-meyxanə bu gün,

Fürsəti fövt eləmə, iç neçə peymanə bu gün.