Vikimənbə:Günün mətni/iyun 26
Söz oldu
Aşıq Alı
Fələk mənə cövr eylədi dünyada,
Yaxşı günüm yaman gündən az oldu.
Bəydən nəmər aldım, ağadan ənam,
Müxtəsəri, qazandığım bez oldu.
Mən xabı-qəflətdə yatıb qalmadım,
Nakəs adamlarla ülfət qılmadım,
Mülkə, mala zərrə tamah salmadım,
Çox gördüm zər-ziba bir gün toz oldu.
Cavanlığım qeybə çıxdı əlimdən,
Həlqə, oldu gündən günə belimdən,
Yaxın-uzaq incimədi dilimdən,
Şükür Haqqu əmməllərim düz oldu.