Quran (V.Məmmədəliyev və Z.Bünyadov tərcüməsi)/Əl-Leyl surəsi

Bismillahir-rəhmanir-rəhim!

¹ And olsun (aləmi zülmətə) bürüməkdə olan gecəyə;

² And olsun işıqlanmaqda olan gündüzə;

³ And olsun kişini və qadını (erkəyi və dişini) yaradana ki,

⁴ zəhmətiniz (ey insanlar!) cürbəcürdür! (Bə’ziniz Cənnət üçün, bə’ziniz isə Cəhənnəm üçün çalışırsınız).

⁵ (malını Allah yolunda) versə, (Allahdan) qorxsa,

⁶ ən gözəl sözü (la ilahə illallah kəlməsini) təsdiq etsə,

⁷ ona ən asan olanı (Cənnəti) müyəssər edəcəyik!

⁸ kim (malını Allah yolunda xərcləməyə) xəsislik etsə, (mal-dövlətinə güvənib Allaha) möhtac olmadığını sansa,

⁹ ən gözəl sözü (la ilahə illallah kəlməsini) yalan saysa,

¹⁰ Biz ona ən çətin olanı (Cəhənnəmi) müyəssər edəcəyik (onu Cəhənnəm üçün hazırlayacağıq!)

¹¹, Cəhənnəmə) düşəcəyi zaman mal-dövləti ona heç bir fayda verməz.

¹² Bizim öhdəmizə düşən yalnız doğru yolu göstərməkdir! (Mö’min və ya kafir olmaq isə hər kəsin öz işidir).

¹³ Axirət də Bizim, dünya da Bizimdir!

¹⁴ (Ey insanlar!) Mən sizi alovlanan bir atəşlə qorxutdum.

¹⁵ Ora ancaq azğın (kafir) daxil olar.

¹⁶ kimsə ki, (haqqı) yalan sayar, (imandan) üz döndərər!

¹⁷ Allahdan qorxub pis əməllərdən çəkinən isə ondan uzaqlaşdırılar (nicat tapar).

¹⁸ kimsə ki, malını (Allah yolunda) verib (günahlardan) təmizlənər,

¹⁹ O şəxsin boynunda heç kəsin bir minnəti (ne’məti) yoxdur ki, onun əvəzi verilsin (etdiyi yaxşılıq ona əvəz olsun; və ya: o, etdiyi yaxşılıq müqabilində heç kəsdən bir mükafat gözləməz).

²⁰ O ancaq ən uca olan Rəbbinin rizasını qazanmaq üçün belə edər.

²¹ olsun ki, o (öz Rəbbindən Cənnətdə ona verəcəyi ne’mətlərə görə) razı olacaqdır!

Əvvəlki surə: Şəms surəsi	Quran (V.Məmmədəliyev və Z.Bünyadov tərcüməsi)/Əl-Leyl surəsi	Sonrakı surə: Zuha surəsi
Əvvəl nazil olan surə: Əla surəsi		Sonra nazil olan surə: Fəcr surəsi
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114