Müəllif:Əliağa Vahid

←V hərfi ilə müəlliflər

Əliağa Vahid (1895–1965)

Həmçinin baxın: Bioqrafiyası • Şəkilləri • qəzəlxan, Azərbaycan SSR Əməkdar İncəsənət Xadimi (17 iyun 1943), Azərbaycanın ilk Dövlət Mükafatı laureatı.

Əliağa Vahid

Qəzəllər

Dindir məni hərdən, gözəlim fürsət olanda, Vəslin bizə bir an, nə olar, qismət olanda?

Bax, gör, məni zülfün nə pərişanlığa saldı, Bir gün açaram dərdimi cəmiyyət olanda.

Yüzlərcə cəfa etsən, unutmaz səni könlüm, Fikrimdəsən, ey gül, yenə hər söhbət olanda.

Biganə əgər olmasa, tez vəslə yeyərdik, Kim xeyir görüb düşməni kəmfürsət olanda?

Zülfün ki, tutub ruyini, çox qorxuram ondan, Aləm toxunar bir-birinə zülmət olanda.

Könlüm necə sənsiz, gözəlim, naləsiz olsun, Bülbül dayanarmı gülünə həsrət olanda?

Vahid, hələ qarşında böyük bir gələcək var, Dünya bizə ləzzət verəcək cənnət olanda!

         * * *

Mən sevgilim eşqində gərək bülbül olaydım Mərmər sinən üstündə qızıl bir gül olaydım

Zülfüntək uzandıqca öpəydim ayağından Sən seyrə çıxan yerdə dönüb sünbül olaydım

Əmdikcə o gül ləblərini nəşələnəydim Sərməst gözüntək gecə-gündüz lül olaydım

Əğyar ilə hər gün səni bir yerdə görüncə Hicran oduna kaş yanardım kül olaydım

Vahid mənə çoxdan bu can ağırlıq edirdi Ey kaş onuda yarə verib yüngül olaydım

Tərcümələri

• Könlüm çıxıb gedibdir, bilməm nə cur bəla var
• Hədisi-tövbəni at bir kənara, badə gətir!
• Ay nə lazım, sən kimi məhru kifayətdir mənə
• Can bəxş edərəm cana gər ləblə şəkər versən
• Bax, yenidən bu könül dərdin ilə yar olub
• Səndən, gözəlim, özgə kəsdə nəzərim yoxdur
• Bildim ki, bu nazından bir ləhzə dayanmazsan
• Xəcil etmiş üzün, gözəl, qəməri
• Ver daşını,şövq ilə cana dilə!
• İsminin zikrində dastan tapmışam
• Qəlbim kimi odludur dəhanım
• Nə afət olmusan, ən xırda dərdin hicrandır
• Ya vəslin üçün nişan gərəkdir