Yenə Katibin qəzəli

Qəzəl 37 Müəllif: Mir Möhsün Nəvvab Tərcüməçilər: Əkrəm Bağırov, Nizami Məhərrəmov, Kamil Allahyarov, Fərrux Fərmanov

Mənbə: Nəvvab, Mir Möhsün. Təzkireyi-Nəvvab (PDF). Bakı: Elm. 2018.

Sənə mümkün deyil gülşəndə, bülbül, xarə yalvarmaq,

Mənə olmaz rəva əsla gedib əğyarə yalvarmaq.

Nə müşküldür şəbi-fırqətdə qalmaq, eyləmək əfğan,

Töküb qan-yaş dəmadəm, sabitü səyyarə yalvarmaq.

Görər pərvanə şəm’in, yanmaq istər aşiqi-sabit,

Nə hacət eşqdə sən arizi-gülnarə yalvarmaq?

Əgər huşyarsan, məxmur çeşmə baxma, ey bidil,

Neçün bimar olmaq, nərgisi-bimarə yalvarmaq?

Əbəs hər nakəsə can vermə, demə iltifat eylər,

Nə mürvətdir sərasər mimürüwət yarə yalvarmaq?

Könül, eşq içrə düşmə, çıxma yoldan Şeyx Sən’an tək,

Nə lazım meyli-tərsa eyləyib zünnarə yalvarmaq!

Yetişmək mətləbə istərsən, aya, Katibi-miskin,

Gərək ixlas ilə ol Heydəri-Kərrarə yalvarmaq.