Koroğlu (opera)/Beşinci pərdə
| ←Dördüncü pərdə | Koroğlu. Beşinci pərdə Müəllif: Üzeyir Hacıbəyov |
B i r i n c i c a r ç ı--
Ya əyuhənnas! Ya əyuhənnas!
Bu gün meydanda kəsilir üç baş!
İ k i n c i c a r ç ı--
Ya əyuhənnas! Ya əyuhənnas!
Bu gün meydanda kəsilir üç baş!
Ü ç ü n c ü c a r ç ı--
Ya əyuhənnas! Ya əyuhənnas!
Bu gün meydanda kəsilir üç baş!
X o r--
Gündə-gündə baş kəsilməz,
Xanlar qandan doymaq bilməz!
Rədd olsun, batsın zalım xan!
Rədd olsun bəy, rədd olsun xan!
Rədd olsun bəy, rədd olsun xan!
Ә y a n l a r--
Olsa xain xana hər kəs--
Ya ölüm var, ya da məhbəs.
Məhv edilsinlər.
X o r--
Gündə bir baş, gündə bir qan,
Qatil insan, zalım insanlar.
Rəiyyət təngə gəldi,
Məhv edildi, talan edildi.
Ә y a n l a r--
Olsa xain xana hər kəs--
Ya ölüm var, ya da məhbəs.
Bir də sizdən çıxmasın səs,
Oğru bidinlər!
X o r--
Gündə bir baş, gündə bir qan,
Qatil insan, vəhşi insan.
Bu rəiyyət təngə gəldi,
Məhv edildi, talan edildi.
Ә y a n l a r--
Gətirin o məlunları,
Vurulsun boyunları!
Qəzəbdir tutan onları, cəzalansınlar!
X o r--
Gəl rəhm et, ey xan, bu cavanlara,
Rəhm et bunlara, öldürmə!
Gəl rəhm et, ey xan, sən rəhm eylə,
Gəl rəhm et bunlara, öldürmə! (2 dəfə)
Ә y a n l a r--
Etsə hər kəs xana üsyan,
Məhv edilsin, vəssalam!
X o r--
Bir gün olsun kütlə çoşsun,
Sizdən alsın intiqam.
E h s a n p a ş a--
Bu gündən bircə insan
Xana qarşı etsə üsyan,
Ya ölüm var, ya da zindan!
Əfv edilməz xain insan!
Verməriz biz bir də fürsət
Çıxsın üsyanlar, Xəyanətpərvər insanlar,
Bu yolsuz, oğru nadanlar,
Bu cahil, bu qudurğanlar,
Kəsilsin, məhv olunsunlar!
Xəyanət çıxsa bir kəsdən,
Əlindən, ya dilindən,
Məhv edilsin, məhv edilsin, məhv edilsinlər!
Ә y a n l a r--
Etsə hər kəs xana üsyan,
Məhv edilsin, vəssalam!
X o r--
Bir gün olsun, kütlə coşsun,
Sizdən alsın intiqam.
İ b r a h i m x a n--
Bu gündən bircə insan
Xana qarşı etsə üsyan,
Ya ölüm var, ya da zindan!
Əfv edilməz xain insan!
Verməriz biz bir də fürsət
Çıxsın üsyanlar,
Xəyanətpərvər insanlar,
Bu yolsuz, oğru nadanlar,
Bu cahil, bu qudurğanlar,
Kəsilsin, məhv olunsunlar!
Xəyanət çıxsa bir kəsdən,
Əlindən, ya dilindən,
Məhv edilsin, məhv edilsin, məhv edilsinlər!
Ә y a n l a r--
Olsa xain xana hər kəs--
Ya ölüm var, ya da məhbəs, məhv edilsinlər!
X o r--
Gündə bir baş, gündə bir qan!
H ә s ә n x a n--
Etməsinlər bir də üsyan!
X o r--
Bu rəiyyət təngə gəldi,
Məhv edildi, talan oldu.
Zalım, zalım, qatil xanlar,
Vəhşi xanlar, qanlı xanlar!
H ә s ә n x a n--
Sənə mən əmr edirəm, İbrahim xan,
Bu saatda gərək boşalsın meydan!
Gedib camaatı qovun hər nə var,
Düzəltsin qoşunlar poladdan hasar!
Divani-ədalət qurulsun bu gün!
Boynu vurulsun xainlərin bu gün!
Əvvəlcə Nigarın başı kəsilsin,
Xanın ədalətin aləm bilsin!
X o r--
Zalım, zalım, zalım, qatil xanlar,
Vəhşi xanlar, qanlı xanlar!
İ b r a h i m x a n--
Cəllad başı, tez ol, hökmü et icra,
Ən əvvəl bu işi Nigardan başla!
Q ı z l a r x o r u--
Ax … yazıq, bədbəxt Nigar!
Nigar, Nigar, Nigar!
Onu apardılar başını kəsməyә!
Afərin! Afərin!
Öldür, öldür, öldür, öldür,
Qoy düşmən ölsün, qoy düşmən ölsün!
Ölsün, ölsün, ölsün, ölsün, ölsün!
X o r--
Zəfər bizimdir, Nigarı etdin xilas!
K o r o ğ l u--
Sevimlim, sevgilim, ayrı düşdün məndən,
Ax, Nigarım, gülüzarım,
Qanlı düşmən eylədi qəsd,
İntiqamın alsın səndən,
Uçmuşam quş kimi, özümü yetirdim.
N i g a r--
Bu xalqı sən eylədin azad, azad,
Xalqa sən olmusan ən əziz qəhrəman, qəhrəman!
K o r o ğ l u--
Məni yaşatdı, məni böyütdü
Bu qəhrəman xalqım mənim! Yaşa!…
R ә q s.
X o r--
Nə şənli, şənli bayram,
Nə şənli əyyam, yaşa, yaşa!…
Koroğlu qəhrəman, qəhrəman!…
SON