Yasaqlar

Yasaqlar
Müəllif: Şifahi xalq ədəbiyyatı

Axşamlar evi süpürmək olmaz. Süpürəndə də zibili çölə atmaq olmaz. Yalnız zibili evin bir küncünə qoyub səhərisi atmaq lazımdır. Zibil atılsa, evin bərəkəti yoxa çıxar.
Axşam naxır gələnnən sora başqa adama həyətdən su verməzdər, yoxsa evin xeyir-bərəkəti qaçar.
Gecə vaxdi ağacın altına, suyun başına getməzdər. Yoxsa adam vırmalı, çalmalı olur.
Gecə vaxdı axar suya əl basmazdar, çünki su gecələr mələhlərin olur. Onnarı narahat eləsən, sənə zəfər toxuyallar.
Gecə vaxdı suyun başına getsən bizdən yeylər vurar səni.
Günəş batandan sonra evdən başqasına heç nə vermək olmaz. Yoxsa evin bərəkəti də gedər.
Şər qarışanda yatmazlar. Şər qarışanda qismət paylanır, deyirlər.
Şər vaxdı qapı ağzında oturmazdar. Çünki bu vaxdı cinnər keçir bırdan, adama şəpələri dəyər.

Mənbə[redaktə]