Yerindədir

Yerindədir Müəllif: Aşıq Qəhrəman

Mənbə: "Qərbi Azərbaycan aşıqları" (poeziya antologiyası). Azərbaycan Aşıqlar Birliyi. Bakı, "Zərdabi nəşr" MMC, 2023. səh.43; ISBN 978-9952-571-42-4

Dost məzəmmətindən incimək olmaz，
Əgər onda namus，ar yerindədir.
Gözlədiyin karvan çoxdan keçibdir，
Sanma ki, vəfasız yar yerindədir.

Xəstənin təbibdir， dağdır çarəsi，
Gözələ şöhrətdir onun vəfası.
O nə dostdur， səndən vardır yarası，
Eyləyir əl-aman， zar yerindədir?!

Qəhrəman dost üçün sərdən keçibdir，
Gahı şərbət， gahı zəhər içibdir.
Sən deyən bülbüllər çoxdan uçubdur，
Ötüşür budaqda， sar yerindədir.