Vaxtıdı Teymur Kərimli

Vaxtıdı (08.05.2022) Müəllif: [[Müəllif:Teymur Kərimli|Teymur Kərimli]]

Budu gəldi QULAQKƏSƏN,

Düşmənin tula vaxtıdı.

Mitinq gedir meydanında,

Ula ha ula vaxtıdı.

Zəfər çaldıq, xoş halımız,

Gerçək oldu xəyalımız.

Yağıların qartalımız

Tükünü yola, vaxtıdı!

“Haydı vur!” dedi Rəhbərim,

“Uf” demədi igidlərim!

Ağdam – ağıllı şəhərim,

Şuşamın Qala vaxtıdı!

Neçə illər yandı canım,

Şükür ki, çatdı zamanım!

Dərs verəcək Komandanım

Rüstəmi – Zala, vaxtıdı!

Gəlmişdi ki, xərac yığa,

Öz qanında batdı zığa.

Qarabağdan namərd dığa

İtilsin dala, vaxtıdı!

Daş dəyməsin şüşəmizə,

Bülbül qonsun meşəmizə.

Teymur, gözəl Şuşamıza

Dur düşək yola, vaxtıdı!