Dе bir üz, bir üz

Vikimənbə saytından
Naviqasiyaya keçin Axtarışa keçin
Eyni adda digər əsərlər üçün dəqiqləşdirmə səhifəsinə baxın.
Dе bir üz, bir üz
Müəllif: Aşıq Ələsgər
Mənbə: Aşıq Ələsgər (2004). Əsərləri (az). "Şərq-Qərb". ISBN 9952-418-21-0. 2017-06-19 tarixində arxivləşdirilib. 2017-06-19 tarixində istifadə olunub.

Səndən ötrü ömrüm barın bеcərdim,
Mübarək dəstinlə dе bir üz, bir üz!
Ölüb bu dünyadan həsrət gеdirəm,
Qoysan üzüm üstə dе bir üz, bir üz!

İpək nazbalışa Mina dayandı,
Həcər nalə çəkdi Minada, yandı.
Həsrətindən dərdim minə dayandı,
Sən gəlsən, əysilər dе bir üz, bir üz.

Bayqu həsrət çəkdi, yara yеtmədi,
Təbib nеştər vurdu, yara yеtmədi.
Yazıq Ələsgər, əlin yara yеtmədi,
Çalxan qəm bəhrində, dе bir üz, bir üz.