Çıxa bilməz

Çıxa bilməz (17.03.2022) Müəllif: [[Müəllif:Teymur Kərimli|Teymur Kərimli]]

Turş ayranı sən çalxa yüz il – yağ çıxa bilməz,

Qəlbiqaranı min dəfə yu – ağ çıxa bilməz!

Minlərlə söyüd əksən əgər çay qırağında,

Bağban da baxıb qulluq edə - bağ çıxa bilməz!

Min canı əgər erməninin olsa nə xeyri?

Ensə başına yumruğumuz – sağ çıxa bilməz!

Dağlarda gəzən bir igidin arxası eldir,

Söykənməsə el – arxasına, dağ çıxa bilməz!

Dünya bəzəyi könlü uca ərlər olubdur,

Əsla ucalar könlünə alçağ çıxa bilməz!

Düz sözdü ki, dünyada həyatın canı suymuş –

Bir gövdədə su olmasa, yarpağ çıxa bilməz!

Teymur, yenə könlündə açar güllü gülüstan,

Qanqal bitə bilməz, nə də bitrağ çıxa bilməz!