Çata-çat (Aşıq Əsəd)

Vikimənbə saytından
Çata-çat
Müəllif: Aşıq Əsəd
dodaqdəyməz təcnis
Mənbə: Aşıq Əsəd Rzayev. Sazın-sözün Koroğlusu. Bakı, "Zərdabi LTD" MMC, 2010.

Vaxt yetişdi köç eylədin dünyadan,
Sevən ürək səni anar çata-çat.
Qurtarsan da yüz xətərdən, nalədən,
Dünya insanları sanar çata-çat.

Həyata nur verir günəş şüası,
Onunla dəyişir yerin havası,
Sevənlərin söylə nədir xətası?
Ayrı düşsə gültək solar çata-çat.

Sözünün olsa da əgər kəsəri,
Nəsihəti tez unudar sər-səri.
Qoru saxlaginan, can ilə səri,
Əsəd, vaxt çatanda yanar çata-çat.