Çox şükür (Nəbi Miskin)

Eyni adda digər əsərlər üçün dəqiqləşdirmə səhifəsinə baxın.

Çox şükür Müəllif: Nəbi Miskin

Yazılanlar gəldi başa,
Qələminə çox şükür,
Cümləmizə muraz verən,
Qələminə çox şükür.
Göydən dörd baş kitab endi,
Əzəl başdan İncili,
Biz götürdük ol Quranı
kəlamına çox şükür.

Şivəni-məhşər günüdü,
Yarəb, kim çəkir zillət?
İsrafil surun çaldı
gəldi nə ki, var millət.
İbtida əfv olundu
Gər ümməti-Məhəmməd,
Əl götürüb duvaqılan
Salamına çox şükür.

Gəl biçarə Şair Nəbi,
Sərin sevdaya düşdü,
Çatıldı o qıl körpü
Neçə mömün qullar keçdi.
Quruldu mizan tərəzi,
yarəb nə hikmət işdi,
Bizdə gəldik bu divana,
divanına çox şükür.