Çox gözdə sürmə, əldə həna, üzdə xal olur

Vikimənbə saytından
Jump to navigation Jump to search
Çox gözdə sürmə, əldə həna, üzdə xal olur
Müəllif: Abbasqulu ağa Bakıxanov


Çox gözdə sürmə, əldə həna, üzdə xal olur,
Nisbət bu qaşü bu gözə bənzər məhal olur.

Qafi--qaşın, tayi--telin, lami--ləblərin,
Aləmdə əlbir eyləsə, billah qital olur.

Lövhi-xəyalə hər necə təhr eyləsəm qaşın,
Gəlməz xəyalə axırı məhzi-xəyal olur.

Sirri-dəhani sordum o şəkkər dodaqdən,
«Pünhan danış bu sirri--dedi,--qilü qal olur».

Görçək o atəşin üzünü nitqim oldu lal,
Qüdsi, cərəs düşəndə oda, zəngi lal olur.