Öldür məni

Vikimənbə saytından
Jump to navigation Jump to search
Öldür məni
Müəllif: Aşıq Bəsti
Mənbə: Aşıq Bəsti (2013). Bənövşələr (az). Gəncə. Orijinal mənbədən 2018-09-14 tarixində arxivləşdirilib. Yoxlanılıb 2018-09-14.

Dedim: fələk öldür məni,
Nə öldürdü, nə güldürdü.
Ağlatdı, yaylıq vermədi,
Gözüm tikanla sildirdi.

Gül yerinə, tikan verdi,
Gün vermədi, duman verdi.
Bizlərə zimistan verdi,
Gücünü bizə bildirdi.

Tez ayrıldıq dağlardan biz,
Çöldə qaldı, lalə, nərgiz,
Çeşmələri axdı göz-göz,
Bəstini təşnə öldürdü.