Ölsəm

Ölsəm Müəllif: Aşıq Rəcəb

Mənbə: Paşa Əfəndiyev (2017). Molla Cümə (həyatı və yaradıcılığı) (az). "Ləman nəşriyyat poliqrafiya". Yoxlanılıb 2018-08-31.

Mənim yarım genə məndən yad olur,
Yad oluban özgələrə ad olur.
Dostlar ağlaşıban, düşmən şad olur,
Meydan olur o düşmana, mən ölsəm.

Sona, səni sevdim, əzəl zonası,
Geyinmisən başdan-başa libası.
Anam, bacım, qohum-qardaş, babası
Yığılsınlar vay-şüvana, mən ölsəm.

Əcəlim yetişib, vədəm dolubdur,
Günlərdə bir gün rəngim solubdur.
Deyəsən ki, Miskin Rəcəb ölübdür,
Xəbər çatsın Dağıstana, mən ölsəm.