Üstündə

Vikimənbə saytından
Jump to navigation Jump to search
Üstündə (XV əsr)
Müəllif: Ozan İbrahim
Mənbə: Azərbaycan aşıq şeirindən seçmələr, İki cilddə, I cild. Bakı, "Şərq-Qərb", 2005. ISBN 9952-418-41-5

Sübh ikən sübhanə düşdüm,
Baş qoydum ocaq üstündə.
Dəryayi-ümmana düşdüm,
Şam gördüm çıraq üstündə.

Bulundum dağda, aranda,
Qibleyi-ərzim Turanda.
İmanım, dinim Quranda,
Haqq yolum torpaq üstündə.

Qəmli ozan, üzüm gülməz,
Gələn - gedər, gedən gəlməz.
Sar yuvama qona bilməz,
Ayağım torpaq üstündə.