Üz tutub çöllərə, səhralara sənsiz gedərəm
Üz tutub çöllərə, səhralara sənsiz gedərəm Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 85 |
Üz tutub çöllərə, səhralara sənsiz gedərəm,
Onda mənsiz gözü yollarda qalarsan, bəlkə.
Məndən əzrail ala bilmədiyi canı, gülüm,
Amma sən nazın ilə alsan, alarsan, bəlkə.
Ey könül, sadə ol hər yerdə, təkəbbürlənmə,
Xəlq arasında kiçilsən, ucalarsan, bəlkə.
Elə bir od qoyaram, ey fələk, ahımla sənə,
Mən deyən eşq havasın onda çalarsan, bəlkə.
Ah-fəryad elə, min nalə qopar, ağla, könül,
Ağla ki, göz yaşı töksən, boşalarsan bəlkə.
Təmkin əhvalıma rişxənd eləmə, ey qafil,
Mən çəkən qəmləri çəksən, qocalarsan, bəlkə.
Ey Vüqar, yerdə nə var, göylərə yüksəl, bulud ol,
Bir fəqirin başına kölgə salarsan, bəlkə.