İçimdə qopuq, çox qərib bir səs var

İçimdə qopuq, çox qərib bir səs var (1997) Müəllif: RAUF CAVAD

İçimdə qopuq, çox qərib bir səs var,
Dayanmadan bu səs yarın soruşar.

Qalıb tənha qəlb fikirləri ilə
Döyünür durmadan, can, düşüb ağlar.

Düşünür gecə-gündüz o sevdiyin
Xəyalında, quraraq xoş arzular.

Dalıb fikrində qəlb çox uzaqlara,
Yaxınlaşdırır uzağı xəyallar.

Səsləyir yarını köməyə, yarı,
Bəlkə gələr yarı, yarasın sarar.

İtirməyib qəlbində o ümidin,
Yaşadır hələ də sevgisin ilqar.

Aşiqdir sevdiyinə sevən o kəs
Ki, qəlbi eşq atəşi ilə yanar.

Rauf, kim olmuşsa eşqinə sadiq,
Düşər gecələr, ağlar qəlbi, zar-zar.
    ...Müəllif:Rauf Cavad