İlham Əliyevin Gürcüstanın Prezidenti Zati-aliləri xanım Salome Zurabişviliyə məktubu

Vikimənbə saytından
Naviqasiyaya keçin Axtarışa keçin
İlham Əliyevin Gürcüstanın Prezidenti Zati-aliləri xanım Salome Zurabişviliyə məktubu (25 may, 2019)
Müəllif: İlham Əliyev
Mənbə: president.az (25 may, 2019). Gürcüstanın Prezidenti Zati-aliləri xanım Salome Zurabişviliyə (az). İlham Əliyev. Yoxlanılıb 25.05.2019.


Hörmətli xanım Prezident,

Gürcüstanın milli bayramı – Müstəqillik Günü münasibətilə Sizi və bütün xalqınızı şəxsən öz adımdan və Azərbaycan xalqı adından səmimi qəlbdən təbrik edirəm.

Azərbaycan ilə Gürcüstan arasındakı münasibətlər tarixən dostluq və mehriban qonşuluq şəraitində yaşamış xalqlarımızın iradəsindən qaynaqlanır. Belə möhkəm təməllərə əsaslanan dövlətlərarası münasibətlərimizin yüksək səviyyəsi məmnunluq doğurur.

İnanıram ki, ikitərəfli və çoxtərəfli qaydada əməkdaşlığımız, qarşılıqlı etimad və dəstəyə əsaslanan strateji tərəfdaşlığımız xalqlarımızın mənafelərinə uyğun olaraq bundan sonra da inkişaf edəcək və genişlənəcəkdir.

Bu əlamətdar gündə Sizə möhkəm cansağlığı, işlərinizdə uğurlar, dost Gürcüstan xalqına əmin-amanlıq və firavanlıq arzulayıram.

Hörmətlə,

İlham Əliyev

Azərbaycan Respublikasının Prezidenti

Bakı şəhəri, 23 may 2019-cu il.