İlham Əliyevin Yüngül atletika üzrə dünya çempionu Ramil Quliyevə məktubu

Vikimənbə saytından
Naviqasiyaya keçin Axtarışa keçin
Azərbaycan Respublikasının Prezidenti İlham Əliyevin "Yüngül atletika üzrə dünya çempionu Ramil Quliyevə" 11 avqust 2017-ci il tarixli məktubu (11 avqust 2017)
Müəllif: İlham Əliyev


Yüngül atletika üzrə dünya çempionu Ramil Quliyevə

Əziz Ramil.

İlk növbədə səni yüngül atletika üzrə dünya çempionu adını qazanmağın münasibətilə səmimi qəlbdən təbrik edirəm.

Qeyd etmək istərdim ki, tarixdə ilk dəfə olaraq azərbaycanlı idmançı yüngül atletika üzrə dünya çempionu olub. Xüsusilə sevindirici haldır ki, sən qələbədən sonra Azərbaycan və Türkiyə bayraqlarını qaldırdın. Bu, onu göstərir ki, sən öz xalqına bağlı, vətənpərvər insansan.

Sən bu gün Türkiyəni təmsil edirsən. Ancaq idmanda ilk addımlarını Azərbaycanda atmısan.

Bu qələbə münasibətilə Türkiyəni də təbrik edirəm. Sənin qələbən, eyni zamanda, Azərbaycan-Türkiyə dostluğu və qardaşlığının növbəti təzahürüdür. Biz Azərbaycanda səninlə fəxr edirik.

Sənə idmanda yeni qələbələr arzulayıram.


İlham Əliyev
Azərbaycan Respublikasının Prezidenti

Bakı, 11 avqust 2017-ci il.

Mənbə[redaktə]