İnciməzmi (Çoban Əfqan)

Eyni adda digər əsərlər üçün dəqiqləşdirmə səhifəsinə baxın.

İnciməzmi (Çoban Əfqan) Müəllif: Çoban Əfqan

Mənbə: Nəriman Həsənzadə. Seçilmiş əsərləri. 7 cilddə. 7-ci cild. Bakı, "Prometey", 2014.

 
Ləzzət çəkin, kef də görün, a bəylər,
Sizə qulluq edən ac, inciməzmi?!
Sizin evinizdə buğda çörəyi,
Bizdə darı bişir, sac inciməzmi?!

Sizin libasınız İran kişmiri
Bizim libasımız dəridir, dəri!
Bizim arvad quldur, sizinki pəri,
Ondan alırsınız bac, inciməzmi?!

Xoşuma gəlməyir bu qurğu, busat,
Çünki qəlbim olub çoxdan narahat.
Ellərin üzünə gülməyir həyat,
Əfqan, insan olan heç inciməzmi?!