İnqilab sükançısı

İnqilab sükançısı (XX əsr) Müəllif: Mirfəttah Məhəmmədov

Rahət ol, ölməz olmuş amalın,
Yaşadıqca cahan, yaşar kamın.

                       ***
Əlli dörd ildə çəkdiyin zəhmət,
Etmiş işçiləri bu gün rahət,
Eyləyir namına hamı hörmət,
Rahət ol, ölməz olmuş amalın
Yaşadıqca cahan, yaşar namın.

                      ***
Ölmüsənsə, vəziyyətin ölməz,
Füqərayə məhəbbətin ölməz.
Çəkdiyin bunca zəhmətin ölməz.
Rahət ol, ölməz olmuş amalın,
Yaşadıqca cahan, yaşar kamın.

                      ***
Bir gəmi idi vaxtilə cahan
Sən idin onda şanlı bir kapitan
Eylədin ən çətin yolu asan
Rahət ol, ölməz olmuş amalın,
Yaşadıqca cahan, yaşar kamın.