İstərlər

Vikimənbə saytından
Jump to navigation Jump to search
İstərlər
Müəllif: Şah İsmayıl Xətai
Mənbə: Şah İsmayıl Xətayi. Əsərləri. Bakı, “Şərq-Qərb”, 2005. s.349.

Sərsəri, girmə meydana,
Aşiq, səndən yоl istərlər.
Qəllaş ilə оturmadan
İman əhli pul istərlər.

Bu yоla girən оturmaz,
Haqq sözə hiylə qatılmaz,
Bunda heç hiylə satılmaz,
Gövhərindən qul istərlər.

Bir qılı min para edər,
Bu yоlu ixtiyar edər,
Şahım bir yоl qurmuş gedər,
Yоl içində yоl istərlər.

Şah Xətayi der: – Neylərsən?
Hər müşkülü həll eylərsən.
Arısan, çiçək iylərsən,
Yarın səndən gül istərlər.