Şərt deyildir ki, kişi sahibi-əmlak olsun
Şərt deyildir ki, kişi sahibi-əmlak olsun Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 104 |
Şərt deyildir ki, kişi sahibi-əmlak olsun,
Şərt odur ki, kişinin zatı gərək pak olsun.
Cahilin rəyinə rəğmən dolanar çərxi-fələk,
Ürəfa zümrəsi labüddü ki, qəmnak olsun.
Kim ki bilmirsə qədəm basdığı xakın qədrin,
Ona torpaq qənim olsun, çürüsün xak olsun.
Şövqi-rudən dili-pürxunum əgər çak olsa,
Nə əcəb, yazda gərək qönçeyi-gül çak olsun.
Ali varlıqdı Xuda, əqli-Vüqar dərk eləməz,
Gərək idrakının idrakına idrak olsun.