Əlimdə

Vikimənbə saytından
Jump to navigation Jump to search
Əlimdə
Müəllif: Xəstə Qasım
Mənbə: Xəstə Qasım (1684-1760) (az). shahbulaq.az (12.09.2014). Yoxlanılıb 2015-04-20.

 
Üç gündür çıxmışam o Tikmədaşdan,
Qapına gəlmişəm canım əlimdə.
Ayağın torpağı qibləgahımdı,
Sızıldaram giribanım əlimdə.

Şeyda bülbül kimi yaman ağlaram,
Sinəm başın düyünlərəm, dağlaram.
Ləzgi kimi yüz aşığı bağlaram, [1]
Əgər olsa süxəndanım əlimdə.

Xəstə Qasım, kəsilibdir xitabım,
Qızılgül tək çəkilibdir gülabım.
Cədvəlkeş quranım, qızıl kitabım,
Yoxdur zərli qələmdanım əlimdə.

Qeydlər[redaktə]

  1. Aşıq Ləzgi Əhməd nəzərdə tutulur