Ağ ruhumu istər mələkəl-movt ala, kölgə
Ağ ruhumu istər mələkəl-movt ala, kölgə Müəllif: Vüqar Biləcəri Tərcümə edən: Hüseyn Cəlilov |
Mənbə: Vüqar Biləcəri. "Qərib xəyal" kitabı. Səh 88 |
Ağ ruhumu istər mələkəl-movt ala, kölgə,
Sən ruhumu al məndən, özündən cala kölgə.
Birdən məni nagah itirərsən yarı yolda,
Bir vaxt elə boylanginən hərdən dala, kölgə.
Bəxtimlə çox oxşar yaranış tərzi və rəngi,
Ölsəm, demişəm irsimə varis qala kölgə.
Bir səssiz ölüm zülmətidir ki, ümidim var,
Bir gündə bizim kandara mismar çala kölgə.
Allaha dualar qılırıq canı-könüldən,
Ta üstümüzə mərhəmətindən sala kölgə.
Məsum günəşin nuruna xatir, nola, vurma,
İlham quşumun balu-pərin qandala kölgə.