Ağacda alma

Vikimənbə saytından
Ağacda alma
Müəllif: Şifahi xalq ədəbiyyatı


Ağacda alma, dərrəm, sataram,
Xəlvətdə qalma, gəlləm, taparam.

Nəqarət:
Ay haray yar əlindən,
O qara tellərindən.
Əgər izin versən, bala.
Öpərəm gözlərindən.

Bağlarda çiçək, dərrəm, sataram,
Bir üzü göyçək hardan taparam?

Bağlarda püstə, dərrəm, sataram,
Bir boyu bəstə hardan taparam?

Bağlarda xurma, dərrəm, sataram,
Bir saçıburma hardan taparam?

Mənbə[redaktə]

  • Xalq mahnıları. Bakı,2014