Amandı (Məsim Bəyazidli)

Vikimənbə saytından
Jump to navigation Jump to search
Disambig.svg Eyni adda digər əsərlər üçün dəqiqləşdirmə səhifəsinə baxın.
Amandı
Müəllif: Aşıq Məsim Bəyazidli
Mənbə: Mahmud Kamaloğlu (2013). Aşıq Məsim Bəyazidli (az). Azərbaycan Aşıqlar Birliyi. "Ozan dünyası" jurnalı. Orijinal mənbədən 2016-08-09 tarixində arxivləşdirilib. Yoxlanılıb 2016-08-09.

Başına döndüyüm xanım növcavan,
Mayıl oldum qoşa gözə, amandı.
Gərək bu dostluğu yetirək başa,
Uymuyasan əyri sözə, amandı.

Kərəm kimi mən də sevdim tərsanı,
Gözüm olsun gözləriyin qurbanı,
Yorulmaram sənlə gəzsəm dünyanı,
Kefə gedək bir Tiflisə, amandı.

Elim Borçalıdı, Bəyazid kəndim,
Min gözəl içində səni bəyəndim.
Sən Əslini sevdim, Kərəmtək yandım,
Məsim yazdı vəsfin saza, amandı.