Ana-bacı məğrur vüqarıdır yamacımın
| Ana-bacı məğrur vüqarıdır yamacımın (1994) Müəllif: RAUF CAVAD |
Solub gül çöhrəsi ay üzlü Mələk bacımın,
Dərd-qəm alıb aparıb, olmaz tayı acımın!
Ağlar hər halı ilə bacım ağrı-acıma,
Başım üstə durar, bər-bəzəyidir tacımın.
Bacı, Ana əvəzi sarar qanlı yaramı,
Kəsilib qol-budağı peyğəmbər ağacımın.
Bu dünya ki,var özəl, gözəlliyə bəladır,
Ana-bacı məğrur vüqarıdır yamacımın!
Vəfa göstərər yar doğru yolda qardaşına,
Bacım əhdimin ilqarıdır Həqq amacımın.
Edirəm canı qurban vətən-insan yoluna,
Çəkir bacı dərdi, miskin ac-yalavacımın.
Ailənin yanan çırağıdır gözəl bacım,
İşıq saçar qaranlığa nuru siracımın.
Bacı qardaşa Rauf tək mehriban Anadır,
Kimsəsiz bəşərə sevgi lazım meracımın!