Asudə olsaydım əgər bircə an

Asudə olsaydım əgər bircə an Müəllif: Xaqani Şirvani Tərcümə edən: M.Mübariz

Mənbə: Xaqani Şirvani. Seçilmiş əsərləri. Bakı, "Lider nəşriyyat", 2004.

Asudə olsaydım əgər bircə an,
Darül-xilafədə yazardım divan.
Bardada atılmış bir daş olsam da,
Yüksəyəm bu xurma ağaclarından.
Məhəbbət cagırır Şirvana məni,
Əhdim var onunla, pozmaram, inan!
Bağdadlı dostlarım məni atdılar,
Bilirdim, onlardan çəkərəm ziyan.