At igidin qardaşıdı

Vikimənbə saytından
Jump to navigation Jump to search
At igidin qardaşıdı
Müəllif: Koroğlu
Mənbə: Anar (1999). Min beş yüz ilin oğuz şeri. Antologiya, I kitab. (az). Bakı: "Azərbaycan". 2017-07-08 tarixində arxivləşdirilib. 2017-07-08 tarixində istifadə olunub.

Həmzə, atı yaxşı saxla
At igidin qardaşıdı.
Gündə muğayat ol, yoxla
At igidin qardaşıdı.

Yay olanda dağa yollat,
Yaz olanda ifçin nallat.
Qış olanda məxmər çullat
At igidin qardaşıdı.

Atı sevib bəslə körpə,
Hayqıranda çıxsın sarpa.
Hər yeyəndə qırx tas arpa
At igidin qardaşıdı.

Meclis qurdum çoxlannan,
Dava etdim oxlannan,
Qara polad mıxlannan,
At igidin qardaşıdı.

Sərin-sərin yu suyunan
Quyruğun bağla muyunan.
Qoç Koroğlu çox öyünən
At igidin qardaşıdı.