Ay üzə-üzə (Şair Məmmədhüseyn)

Vikimənbə saytından
Naviqasiyaya keçin Axtarışa keçin
Eyni adda digər əsərlər üçün dəqiqləşdirmə səhifəsinə baxın.
Ay üzə-üzə (Şair Məmmədhüseyn)
Müəllif: Şair Məmmədhüseyn
Mənbə: Şair Məmmədhüseyn (2018). Nur çeşməsi (az). Elm və təhsil. Yoxlanılıb 2018-09-20.

Hicran xəstəsiyəm alagöz pərim,
Yetiş imdadıma, ay üzə-üzə.
İntizarda qoyma, tükənər səbrim,
Həsrətin könlümü ay üzə-üzə.

Əzəl gündən səni gördüm, yar dedim,
Ya mürvət et, ya bağrımı yar, dedim.
Sənə həmdəm dedim, sənə yar dedim,
Demədim sözümü ay üzə-üzə.

Məmmədhüseyn çətin eşqin daldalar,
Məhəbbət gölünə desən dal, dalar.
Dil ver oylağımız olsun daldalar,
Gəzim cüt narını ay üzə-üzə.